يقل لا تجينا

[بو متعب]

يايبه قلي لا تجينا عمي ما اجيكم
واليدق بابك بعد تنشل يمينه
علمتني شلون يتبرى الخوي
وحملة اليقع محد يعينه
يقلي لا تجينه انا جيت ضيف
وعادت الينضاف للخطار يرخص ماي عينه
انا جيت ارد روحي البقت سنتين بديارك رهينه
يقلي لا تجينه
عفية صحبت هل وكت بيها اليجافي اشوكح عينه
جينا مدري الجدم زل بينا على دربك لو عمينا

[نون]

بو متعب
والله إنك جيت مندّل وما زل فيك الجدم
مقطع من قصيدة رائعة تغنى بها أكثر من مطرب بصوت
شجي حزين مؤثر سحروا بها القلوب وهيضوا بها المحاجر
فأنسابت دموع بعضا ممن يمتلكون مشاعر مرهفة - شكرا
لك أخي العزيز فلا زلت مبدعا بألتقاط المميز من المواضيع
لا عدمناك يا رائع - نون

[بو متعب]

كفو والله يالامير

هذا العشم فيك

اعاتب والعتب سكته
واذوب من الموت سكته

[الكوح]

ابو متعب

نشكرك
على نقلك لرائعة الشاعر عريان السيد خلف

دعني ان انقلها كاملة




لا تجينا..!
چان گـِلت ابوجه الأبيض ... غير معشركم لگينه..
وجينا مشتاگين ... وبلهفه..
وتسد بابك علينه...!
وجينا يدفعنا الهوى.... ودمعاتنا اتگطـِّر بدينه...
وچنت أظن عـدَّك وفى..
وروحينا من فرد طينه..
أعتب اعلى الروح...
چي لنها اعلى شوفتكم حنينه..
وأعتب اعلى الشوگ ...
والعشره وسوالفها الحزينه..
عَـلـَّمتني...
إشلون يتبرَّه الخَوي...
وحمل اليگع محَّد يعينه..
عفيه **** هلوكت ..
بيها اليجافي ... إشوكح عينه...!
اولا تجينا...!
اوما اجيكم ... وليدگ بابك بعد تنشل يمينه..!
اوجينا ... مدري الچدم زل بينا اعلى دربك...
لو عمينه ....
وجيت أرد روحي....
البگت سنتين بديارك رهينه..
... او چنـّي ضيف..!
اوعادت الينضاف للخطـّار يرخص ماي عينه..
وإنته لا چنـَّك رُبيتْ ابماينا اوشارب حَنانـَه
وحتى ضيـَّعت العرف...
يوم الوكت بيدك رُمانَه
ويا عفا اگلوب التشيل الضيـَّم ... وشنحمل ****ه
اوحتى اعز الناس .. من طحنا ابهضم جاروا علينا..
ومن وصلنا البابهم ...گالوا اشجابك..! لا تجينا
وعفيه عشرة هلوكت بيها اليجافي اشوكح عينه

[بو متعب]

مبدع يالكووووووووووووووح

ولكن مايعنيني بالقصيدة الذي ذكرته بمشاركتي الاولى

ولكن هذا لا يمنع ان اشكرك على نقل الذي فاق الوصف

بو متعب

[بنت البدور]

يسلمووو خيووو بو متعب

ع الشعر الحلو

يسلمووووووو

[بدر البدور]

الله يعطيك العافيه يابومتعب
وكل ما تختاره ينبع عن حكم واحساس جميل و الرائع
تقبل مروري