راشد البدري
04-28-2010, 05:26 PM
هذه قصيدة رائعة لخادم الزهرة كما يحب ان يلقب الشاعر سعود الخفاجي
الى سيدة نساء العالمين اباسره
الى بضعة محمد واله العتره
الى جنة علي وروضة علي بدنياه
الى كوثر علي بعالم الاخره
الى ام الحسن وحسين والعلباب
ظل شاهد عيان لفاجعة عصره
الى فاطم الزهره وفاطر الحوراء
الصديقة البتول ومريم الكبره
سلام من ال*** اما بعد بعدين
عبره بصدري ظلت تكتل العبره
احجي بكيفي اريدن والكفيل جفوف
عباس من اسولف مجمل الفكره
ويزعل مو مهم خل يزعل المسوؤل
بس صعبة عليمكم تزعل الفقره
مولاتي بزمانج فقره صح وايتام
اسره وجان ابو الحسنين رب اسره
هسه الفقره ظلت واليتامه تلوع
والوالي المبجل يحلم بقصره
بيت المال شجره واليتامى طيور
ولان الكاع حيدر فيت الشجره
حيدر راح عنه ونشف عنها الماي
اذن حقه الطيور تعاود الهجره
علي افقر فقير وجان اغنى الناس
ومن كد ما فقير اتسلق الشهره
لذلك كرمه الخالق وسام الفوز
ولان افضل وسام اتقلدج صدره
وجودج فاطمه مركز ثقل للكون
وبدونج للفلك ما تكتمل دوره
يا ام لمحمد يعني ام للدنيا
يا قبلة دعاء الحاير ابامره
يا كسرة ضلع حسره بصدر مخنوك
اما ان الاوان وتنجلي الحسره
اكتب حته اشوفج واحلم بملكاج
وشيجيب الحقيقه اويه الحلم مره
محمد جان ابوج ويوكف عله الباب
وملائكة السمه اعله الباب تنتظره
يوكف ينتظر يستأذنج مرات
لان يدري الحياء بكصتج حضره
ماي اكبال عينه وهو صايم دوم
لذلك من يشوفج يرتوي بنظره
ونا العبد الفقير بيا وجه لو جيت
ادك باب الرسالة واكتشف سره
ولو ادري القصيدة وشاعر اهل البيت
مثل شاعرهه احسن ظلت مقصره
غركان ومحبتج عالجرف سباح
ونا جفوفي قصيدة اويه الجرف تبره
صاحب حاجه اعمه وكرم جفج نور
نكطه اببحر انه وجفج شكبره
اطلبج بالدموع الفاضت اعله حسين
بالحركه اعله زينب والمشوا اسره
باجر من تجين وبيدج الجفين
يشكن للاله الفاجعة المره
اذا نشدوج عني ومني ضاع الصوت
شاعر كولي هذا وخادم الزهره
المنصه اكبالي مهره وحضرتج ميدان
لذلك افتخر من اعتلي المهره
الى سيدة نساء العالمين اباسره
الى بضعة محمد واله العتره
الى جنة علي وروضة علي بدنياه
الى كوثر علي بعالم الاخره
الى ام الحسن وحسين والعلباب
ظل شاهد عيان لفاجعة عصره
الى فاطم الزهره وفاطر الحوراء
الصديقة البتول ومريم الكبره
سلام من ال*** اما بعد بعدين
عبره بصدري ظلت تكتل العبره
احجي بكيفي اريدن والكفيل جفوف
عباس من اسولف مجمل الفكره
ويزعل مو مهم خل يزعل المسوؤل
بس صعبة عليمكم تزعل الفقره
مولاتي بزمانج فقره صح وايتام
اسره وجان ابو الحسنين رب اسره
هسه الفقره ظلت واليتامه تلوع
والوالي المبجل يحلم بقصره
بيت المال شجره واليتامى طيور
ولان الكاع حيدر فيت الشجره
حيدر راح عنه ونشف عنها الماي
اذن حقه الطيور تعاود الهجره
علي افقر فقير وجان اغنى الناس
ومن كد ما فقير اتسلق الشهره
لذلك كرمه الخالق وسام الفوز
ولان افضل وسام اتقلدج صدره
وجودج فاطمه مركز ثقل للكون
وبدونج للفلك ما تكتمل دوره
يا ام لمحمد يعني ام للدنيا
يا قبلة دعاء الحاير ابامره
يا كسرة ضلع حسره بصدر مخنوك
اما ان الاوان وتنجلي الحسره
اكتب حته اشوفج واحلم بملكاج
وشيجيب الحقيقه اويه الحلم مره
محمد جان ابوج ويوكف عله الباب
وملائكة السمه اعله الباب تنتظره
يوكف ينتظر يستأذنج مرات
لان يدري الحياء بكصتج حضره
ماي اكبال عينه وهو صايم دوم
لذلك من يشوفج يرتوي بنظره
ونا العبد الفقير بيا وجه لو جيت
ادك باب الرسالة واكتشف سره
ولو ادري القصيدة وشاعر اهل البيت
مثل شاعرهه احسن ظلت مقصره
غركان ومحبتج عالجرف سباح
ونا جفوفي قصيدة اويه الجرف تبره
صاحب حاجه اعمه وكرم جفج نور
نكطه اببحر انه وجفج شكبره
اطلبج بالدموع الفاضت اعله حسين
بالحركه اعله زينب والمشوا اسره
باجر من تجين وبيدج الجفين
يشكن للاله الفاجعة المره
اذا نشدوج عني ومني ضاع الصوت
شاعر كولي هذا وخادم الزهره
المنصه اكبالي مهره وحضرتج ميدان
لذلك افتخر من اعتلي المهره